საქართველოს პრემიერი ესპანეთში ევროპული პოლიტიკური გაერთიანების სამიტში მიიღებს მონაწილეობას
- ეკონომიკა
- ოქტომბერი 4, 2023
- 198
საქართველოს პრემიერ-მინისტრი ირაკლი ღარიბაშვილი ევროპული პოლიტიკური გაერთიანების (EPC) რიგით მესამე სამიტში მიიღებს მონაწილეობას. ინფორმაციას მთავრობის ადმინისტრაცია ავრცელებს.
ევროპული პოლიტიკური გაერთიანების მესამე სამიტი 5-6 ოქტომბერს ესპანეთის ქალაქ გრანადაში ჩატარდება.
პრემიერ-მინისტრი სამიტზე მრგვალი მაგიდის ფორმატში დაგეგმილ თემატურ დისკუსიებში მიიღებს მონაწილეობას.
მთავრობის მეთაური სამიტის ფარგლებში ასევე გამართავს მაღალი დონის ორმხრივ შეხვედრებს.
ადმინისტრაციის ცნობით, პრემიერ-მინისტრი გრანადაში დელეგაციასთან ერთად გაემგზავრა.
